Flyktige organiske sambindingar (VOC) i produkt

Grupper:

Prosjektering

Kategori:

Materialar

Basis

Krav- og kriterietyper:

Teknisk spesifikasjon (Kravspesifikasjon)

Hovudføremål:

Motiv

Flyktige organiske sambindingar (VOC) er nemninga på organiske stoff som lett fordampar til dømes ved romtemperatur, og spreier seg frå materialar og produkt til omgivnadene rundt. Dersom innhaldet av VOC vert for høgt kan det oppstå eit dårleg inneklima med for høge konsentrasjonar av desse stoffa. Eksponering for høge konsentrasjonar av VOC kan føre til irritasjonar i luftvegar og slimhinner og forstyrringar i immunsystemet. Nokre av stoffa er òg kreftframkallande. I tillegg til helseplager kan høge konsentrasjonar av VOC i innelufta føre til lukt, dårlegare opplevd luftkvalitet og høgare energiforbruk til ventilasjon.

Det er påvist over 300 forskjellige flyktige organiske sambindingar, og mange av dei finst i hovudsak i inneluft. Dette kjem av avgassing frå byggjematerialar, måling, lakk, lim, fugemassar, innreiing, møblar, tekstilar, installasjonar, reinhaldsmiddel, osb.

Argument

Stadig tettare bygg med krav til redusert energibruk til ventilasjon gjer det ekstra viktig å redusere avgassing av VOC frå materialar som vert eksponerte mot innelufta ved å setje krav til dette.

Utforming av krav:

Dei følgjande materialane og produkta som vert eksponert mot innelufta skal vere lågemitterande i samsvar med NS-EN 15251:2007, tillegg C:

Tabell 4.37.1 - Krav til materialar og produkt
Dei følgjande materialane og produkta som vert eksponert mot innelufta skal vere lågemitterande i samsvar med NS-EN 15251:2007, tillegg C:	Sertifiseringsordningar og merker stadfester at produkta innfrir krav til lågemitterande materialar i samsvar med NS-EN 15251:2007, Tillegg C:
a) Treplater	Sertifiseringar som M1, EC 1, EC 1 Plus, miljømerket Svanen, SINTEF Teknisk er godkjent dokumentasjon.
b) Tregolv	Sertifiseringar som M1, EC 1, EC 1 Plus er godkjent dokumentasjon.
c) Tekstil- og laminatgolvbelegg	Sertifiseringar som M1, EC 1, EC 1 Plus, GuT, SINTEF Teknisk Godkjenning, miljømerket Svanen (unntatt for tre- eller linoleumsgolv) er godkjent dokumentasjon.
d) Maling og lakk som vert påført på staden.	Sertifiseringar som M1, EC 1, EC 1 Plus, SINTEF Teknisk Godkjenning er godkjent dokumentasjon.

Dokumentasjon på lågemitterande materialar skal leverast til byggherren:

Forprosjekt: kravet skal stadfestast som ein del av forprosjektrapporten
Detaljprosjekt: kravet skal vere ein del av dei relevante skildringane.

Dersom det ikkje ligg føre ei sertifisering skal det stadfestast at produktet er testa med godkjent prøvestandard og gjennom det dokumentere at krava er innfridde. Tabell 4.37.2 nemner godkjend prøvestandard for ulike produkt.

Tabell 4.37.2: Godkjend prøvestandard for ulike produkt:
Produkt	Godkjend prøvestandard
Treplater Tregolv Tekstil- og laminatgolvbelegg Nedsenka himlingsplater Veggkledningar Golvlim og fugemassar	ISO 16000-9 saman med ISO 16000-6 Prøving og utrekning skal skje i samsvar med EN 16516
Måling og lakk som vert påført på staden.	ISO 11890-2:2013 – Maling og lakk – Bestemmelse av innhold av flyktige organiske forbindelser (VOC)- del 2 gasskromatografisk metode

Informasjon om kravet:

Tabell 4.37.3: Oversikt over merkeordningar
Merkeordning	Om ordninga
M1	Finsk sertifiseringsordning, vert handsama av The Building Information Foundation RTS.
EC1	Tysk sertifiseringsordning, EMICODE, vert handsama av eco-INSTITUT GEV, Association for the Control of Emissions in Products for Flooring Installation, Adhesives and Building Materials.
GuT	Tysk sertifiseringsordning for tepper, vert handsama av ECRA, European Carpet and Rug Association (foreningen for miljøtestede tepper).
Miljømerket Svanen	Nordisk heilskapleg merkeordning, vert handsama av Miljømerking.
SINTEF Teknisk Godkjenning	Norsk dokumentasjon på at byggjevarer er vurdert å vere eigna i bruk og innfrir krava i byggteknisk forskrift (TEK17) for dei bruksområda og føresetnadene som er gitt i godkjenningsdokumentet. Vert handsama av SINTEF Byggforsk.

Avansert